Sosiale Media

Facebook

Hoërskool Die Wilgers

Die skool van keuse in Pretoria!
Hoërskool Die Wilgers
Hoërskool Die WilgersFriday, February 23rd, 2018 at 10:02am
Wilgie Rugbyproewe!

Bring die familie, selfs vir Skoonma en kom ondersteun ons seuns in hul pogings om span te haal. Hierdie jaarlikse instelling is ‘n trotse afskop vir die seisoen en een waarna almal uitsien. Dis voorwaar ‘n ware familie-dag, want na afloop van die proewe kom alle ouers, spelers en afrigters bymekaar by die Hoekvlag. Hier gaan ons saam braai en skouers skuur. Hier word ook planne gesmee, strategieë bespreek, inligting uitgeruil en vrae beantwoord. Ons wil ook ons ouers uitnooi om deel te raak van die onderskeie ouderdomme se rugbykomitees. Sooo…, pa’s en ma’s, stel julle self beskikbaar, groot asseblief. Onthou om reeds Vrydag-aand die stoele, tjoppies (of steaks), wors, sosaties, hoenderborsies of net wat jy wil, in te pak en kom geniet die dag saam met ons. Pap-en-sous sowel as houtskool sal voorsien word. Dus is geen verskoning goed genoeg om jou weg te hou nie. Nou bly net een vraag oor: Waar en wanneer? (Askies, is toe 2 vrae). Vir antwoorde verwys na die onderstaande.
O ja, voor ek vergeet. Asseblief, stuur die afskeurstrokie môre terug na my toe; ek moet magies tel vir die pap –n -sous.
Vriendelike Rugby-groete
A. Erasmus
Direkteur:Sport

Datum: 24/02/2018
Plek: Wilgers: B-veld
Tyd: 07:30 vir 08:00

08: 00 O/17, O/18 & O/19 40 min (2 helftes van 20 min)
09:00 O/16 vs O/15 30 min (2 helftes van 15 min)
10:00 O/14 vs O/15 30 min ( 2 helfte van 15 min)
10:45 Seniors Rooi & Seniors Blou 20 min (2 helftes van 10 min)
11:15 Almal beweeg Hoekvlag toe.
Hoërskool Die Wilgers
Hoërskool Die WilgersFriday, February 23rd, 2018 at 10:02am
Atletiek, 17 Februarie 2017: Distrikbyeenkoms (Weg: Hoërskool Menlopark)
Saterdag het 22 van ons atlete die Distrik verteenwoordig by Hoërskool Menlopark. Dit was die eerste keer in ‘n lang tyd wat ons so baie atlete by die Distrikbyeenkoms gehad het. Ons atlete het baie goed presteer en Josua Gouws het die distrikspan gehaal; Ons is almal baie trots op elkeen wat deelgeneem het.
Hoërskool Die Wilgers
Hoërskool Die WilgersFriday, February 23rd, 2018 at 10:01am
Atletiek, 16 Februarie 2017 (Tuis)
Baie dankie aan elke ouer, personeellid en leerder wat gewerk het en deelgeneem het, elkeen kan baie trots wees op nog ‘n suksesvolle byeenkoms. Die Wilgers het; baie goed presteer onder omstandighede; neem in ag ons het dié week 3 byeenkomste gehad, ons het 2 groot skole hier gehad en het vir John Vorster gewen.
Hoërskool Die Wilgers
Hoërskool Die WilgersFriday, February 23rd, 2018 at 10:01am
Atletiek, 14 Februarie 2018 :TOP 10 BYEENKOMS (WEG: TUKS STADION)
Die eerste Top 10 Byeenkoms het Woensdag, 14 Februarie, plaasgevind by Tukkies se sportgronde. Hierdie jaar het ons 2 spanne ingeskryf om meer atlete blootstelling te gee aan die Top 10 byeenkomste. Ons was deel van 70 skole wat deelgeneem het. Ons atlete het goed presteer en Josua Gouws het ‘n 3de plek behaal in die 400m. Ons is baie trots op elkeen van die atlete.
Hoërskool Die Wilgers
Hoërskool Die WilgersFriday, February 23rd, 2018 at 9:36am
Hokkie en ouerbraai:
Ons sien uit na die hokkiekliniek wat op Saterdag, 24 Februarie, om 07:30 op ons hokkieveld aangebied word. Daar is ’n groot groep spelers wat dit gaan bywoon en sodoende hul hokkievaardighede verbeter. Die kliniek dien as voorbereiding vir alle hokkiespanne wat die week daarna in die Supperreeks speel. Die vure word vanaf 12:30 aangesteek vir die ouers wat kom saam braai.
Hokkie – groete
Mev. Marike Hartslief
Hokkie-organiseerder
Hoërskool Die Wilgers
Hoërskool Die Wilgers added 3 new photos.Friday, February 23rd, 2018 at 9:25am
Die Valentynsbal met die tema “ Midnight Magic” is op Saterdag, 17 Februarie 2018, gehou. Dit was ‘n groot sukses! Leerlinge is verwelkom met ‘n vrugtepons en het ingestap in ‘n feetjieligsprokie. Die paartjies het pragtig gelyk en heerlik gedans en tot laat gekuier.
Baie dankie aan al die ouers, leerders en personeel wat hard gewerk het om die aand en die graad 11-projek ‘n sukses te maak.
Mev. S. Brits
Gr. 11-Voog